मा. मुख्यमंत्री श्री. देवेंद्र फडणवीस यांच्या हस्ते मुंबई येथील नवीन उच्च न्यायालय संकुलाचा भूमिपूजन समारंभ

मा. मुख्यमंत्री श्री. देवेंद्र फडणवीस आणि मा. भारताचे मुख्य न्यायाधीश श्री. भूषण गवई यांच्या हस्ते नवीन उच्च न्यायालय संकुलाचे भूमिपूजन करण्यात आले. या समारंभाला मा. मुंबई उच्च न्यायालयाचे मुख्य न्यायाधीश श्री चंद्रशेखर, मा. उपमुख्यमंत्री श्री. एकनाथ शिंदे, मा. उपमुख्यमंत्री श्री. अजित पवार, मा. मंत्री श्री.शिवेंद्रसिंह भोसले तसेच अन्य मान्यवर उपस्थित होते.
नवीन उच्च न्यायालय संकुलाचे भूमिपूजन हे राज्याच्या न्यायिक पायाभूत सुविधांच्या बळकटीकरणाचे प्रतीक आहे. या कार्यक्रमाचे अध्यक्षस्थान मा. भारताचे मुख्य न्यायाधीश श्री भूषण गवई आणि मा. मुख्यमंत्री श्री. देवेंद्र फडणवीस यांनी भूषविले.
मा. मुख्यमंत्री यांनी सांगितले की 1862 मध्ये स्थापन झालेला मुंबई उच्च न्यायालय हा देशातील सर्वात जुन्या न्यायालयांपैकी एक असून, लोकमान्य टिळक यांच्या खटल्यासह अनेक ऐतिहासिक घटनांचा साक्षीदार आहे. त्यांनी व्यक्त केले की नवीन उच्च न्यायालय संकुल देशातील सर्वात वेगवान, कार्यक्षम आणि अत्याधुनिक न्यायिक सुविधा म्हणून उभे राहील आणि भविष्यातील न्यायिक वास्तुकलेसाठी आदर्श ठरेल.